Black and White

Винонд дуртай юу? Тэгвэл мэдэхэд илүүдэхгүй ганц 2 зүйл:

- Ямар төрлийн вино сайнд тооцогддог вэ?

  Cabernet Sauvignon, Merlot, Chardonnay, Францын Pinot Noir мөн Германы цагаан вино Riesling, улаан вино Spätburgunder.

- Виног амт төрлөөр ялгах.

 Винон дахь чихэрлэгийн хэмжээгээр хуурай, эктра хуурай, дунд зэргийн хуурай, зөөлөн, амтлаг, чихэрлэг хэмээн хуваадаг.

- Ямар өнгөтэй винонууд байдаг?

  bianco буюу цагаан вино, grigio буюу саарал\ алтан шаргал, rosso буюу улаан, nero буюу улаан хүрэн, rosato (rose) буюу ягаан вино байдаг.

-  Цагаан болон росе (ягаан) вино улаан виноноос илүү юу?

   Үгүй. Виноны өнгө виноны чанарт хамаагүй.

- Хамгийн сайн винотой нутаг:

   Мэдээж хамгийн түрүүн Итали, Франц, Испани. Германы Mosel, Pfalz, Reingau-ийн цагаан вино, Reinland-Pfalz-ийн улаан вино тун давгүй. Мөн сүүлийн үеийн вино хийж буй газруудаас Өмнөд Африк тун сайн винотой. Олон хүмүүс мөн Калифорни, Чили, Аргентин виног давгүй гэдэг боловч ихэвчлэн тэдний алкохолны хэмжээ өндөр байдаг.

- Амтанд ямар жилд дарсан байх нь нөлөөтэй юу?

 Тийм. Тиймээс ихэнх сайн винонууд дээр ямар жилийнх болохыг тавьсан байдаг. Тэр жил цаг агаар ямар байснаар тэр вино ямар болохыг нэг ёсоор "хэлж" өгдөг. Жишээ нь: 2005 оны Германы Mosel-ийн вино маш сайн.

- Үнэтэй вино болгон сайн вино байдаг уу?

  Ер нь бол үгүй. Хямд бөгөөд сайн винонууд их бий.

- Виног хир удаан хадгалж болох вэ?

      Кабенэтт виног 2-3 жилээс удаан хадгалж болдоггүй, харин Spätlese буюу late harvest виног 5-10 жил, Auslese буюу selected harvest виног 15-20 жил хадгалж болно. Хамгийн гол анхаарах зүйл виног хэвтээ байдлаар хадгалах хэрэгтэй.

Харин цуглуулга биш шууд хэрэглэх тохиолдолд цагаан виног хөргөгчинд, харин улаан виног өрөөний темпратурт хадгалах нь зүйтэй.

- Вино худалдаж авахад юу анхаарах вэ?

  Хэрэв хадгалахаар буюу цуглуулга маягтай авч байгаа бол бөглөөг маш анхаарах хэрэгтэй. Хадгалах вино үйсэн бөглөөтэй байх ёстой.